იამალი: “ოლისეს სათამაშო სტილი ყველაზე მეტად ჰგავს ჩემსას”

ბარსელონასა და ესპანეთის ნაკრების ვარსკვლავმა, ლამინ იამალმა საფრანგეთის ნაკრების შემტევ ტრიოზე - მაიკლ ოლისეზე, კილიან მბაპესა და უსმან დემბელეზე ისაუბრა და დააკონკრეტა, თუ რა თვისებებს აიღებდა თითოეული მათგანისგან.

„სამივე ძალიან მომწონს. უსმანთან ერთად მითამაშია, ამიტომ ვიტყოდი, რომ მისი ორივე ფეხით თამაშის უნარს ავიღებდი. მბაპესგან - სისწრაფესა და გოლის გატანის ალღოს, რაც, ვფიქრობ, უმნიშვნელოვანესია. ხოლო ოლისესგან მის კრეატიულობას წამოვიღებდი. ჩემი აზრით, ის არის ფეხბურთელი, რომლის სათამაშო სტილიც ყველაზე მეტად ჰგავს ჩემსას და ეს ძალიან მომწონს.” - განაცხადა იამალმა.