...

მორიგი შოუ და ბრწყინვალე ქამბექი - ბაიერნმა ჰოფენჰაიმი 5:2 დაამარცხა

მიუნხენის "ბაიერნმა" "ალიანს არენაზე" მორიგი რთული და ძალიან მხიარული მატჩი ჩაატარა - იუპ ჰაინკესის გუნდმა შინ "ჰოფენჰაიმი" მიიღო და ბრწყინვალე ქამბექის შედეგად 4:2 იმარჯვა.

იულიან ნაგელსმანის გუნდმა თავის ჩვეულ სტილში, აგრესიული და მაღალი პრესინგით, დაიწყო, რამაც შედეგი უკვე მე-2 წუთზე გამოიღო, როდესაც სერჟ გნაბრიმ საჯარიმოში იოზუა კიმიხს დაასწრო და "ბაიერნის" მარჯვენა მცველმა გნაბრი წააქცია. პენალტი თავად დაზარალებულმა შეასრულა, რომელსაც სვენ ულრაიხმა აუღო, მაგრამ დამატებაზე პირველი მარკ უტი გაჩნდა - 0:1!

გავიდა დაახლოებით 10 წუთი და "ბაიერნმა" საჯარიმოს სიახლოვეს ბურთი დაკარგა, რასაც გნაბრის სრულიად მოულოდნელი დარტყმა და შესანიშნავი გოლი მოჰყვა - სტუმრები ორი ბურთით დაწინაურდნენ, გნაბრიმ კი მომავალი გუნდის წინააღმდეგ თავიდანვე სერიოზული განაცხადი გააკეთა.


ამის შემდეგ "ჰოფენჰაიმმა" ცოტათი უკან დაიხია და "ბაიერნმა" უპირატესობა გადაიბირა. ერთ-ერთ ეპიზოდში კინგსლი კომანმა თავის ფლანგზე კადრჟაბეკი გააწამა და ჩააწოდა, რასაც იოზუა კიმიხის დარტყმა და რობერტ ლევანდოვსკის დამატება მოჰყვა - მიუნხენელებმა ერთი ბურთი გაქვითეს, ხოლო რამდენიმე წუთში კუთხურიდან ჩაწოდებული ბურთი თავით კარის ბადეში ჟერომ ბოატენგმა გადაგზავნა.

პირველი ტაიმი ფრედ 2:2 დასრულდა, მეორე ნახევარმა კი მასპინძელთა სრული უპირატესობით ჩაიარა. 63-ე წუთზე კინგსლი კომანმა ჭკვიანური დარტყმით "ბაიერნი" წინ გაიყვანა, რასაც არტურო ვიდალის შესანიშნავი თავური და სტანდარტიდან გატანილი მორიგი ბურთი მოჰყვა - 4:2. "ჰოფენჰაიმი" საბოლოოდ გატყდა და მატჩის მიწურულს "ბაიერნის" მაისურით თავისი პირველი გოლი სანდრო ვაგნერმა გაიტანა.

მიულერის ჩინებული თამაშისა და რაფინიას ჩაწოდების შემდეგ ვაგნერმა ყოფილ კლუბს გაუტანა და "ალიანს არენა" გაახარა - 5:2!

"ბაიერნის" გამარჯვებათა სერია გაგრძელდა, "ალიანს არენაზე" ბუნდესლიგაში დაუმარცხებელი სერია უკვე 32 მატჩს შეადგენს და რობერტ ლევანდოვსკიმაც მორიგ საშინაო შეხვედრაში გაიტანა - ყველაფერი რიგზეა!

ბაიერნი 5:2 ჰოფენჰაიმი

გოლები: 0:1 - უტი (3'), 0:2 - გნაბრი (12'), 1:2 - ლევანდოვსკი (21'), 2:2 - ბოატენგი (25'), 3:2 - კომანი (63'), 4:2 - ვიდალი (66'), 5:2 - ვაგნერი (90').
გაფრთხილება: ბიჩაკჩიჩი, ჰიუბნერი

ბაიერნი: ულრაიხი - კიმიხი (ვაგნერი 84'), ზიულე, ბოატენგი, ალაბა - რუდი, ვიდალი, ტოლისო (მიულერი 64') - რობენი (რაფინია 77'), ლევანდოვსკი, კომანი.

ჰოფენჰაიმი: ბაუმანი - კადრჟაბეკი, ბიჩაკჩიჩი (აკპოგუმა 46'), ფოგტი, ჰიუბნერი (კრამარიჩი 67'), ცუბერი - გეიგერი, გრილიტში, რუპი (ამირი 59') - გნაბრი, უტი.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ბუნდესლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები



სატურნირო მდგომარეობა