ნოიერი: "ძალიან ხმამაღალი ატმოსფერო იყო, მსგავსი რამ იშვიათად გვინახავს"

მიუნხენის ბაიერნის მეკარე გადამწყვეტი ფიგურა იყო 2-1 გამარჯვებაში სელტიკთან ჩემპიონთა ლიგაზე, მაგრამ კაპიტანმა აღიარა, რომ ეს გამარჯვება იოლი არ ყოფილა.

ნოიერმაც აღნიშნა, თუ რამდენად შთამბეჭდავები იყვნენ სელტიკის გულშემატკივრები:

„სელტიკს ძალიან დიდი ხნის განმავლობაში შინ წაუგებელი სერია ჰქონდა. ეს იოლი საქმე არ არის. ჩვენ ძალიან კარგად ვითამაშეთ და ვდომინირებდით. სელტიკი მხოლოდ სტანდარტული სიტუაციების დროს გახდა საშიში. ამ მომენტებში საუკეთესო პოზიციაში არ ვიყავით, მაგრამ მთლიანობაში გამარჯვება დავიმსახურეთ,“ – განაცხადა ნოიერმა.

„არ დავნებდით. შეიძლება ზოგიერთ მომენტში უფრო წყნარად გვემოქმედა, მაგრამ დიდწილად თავშეკავებულად ვითამაშეთ და ფრთხილები ვიყავით. ძალიან მნიშვნელოვანი იყო, რომ კიდევ ერთი გოლი არ გაგვეშვა და შინ ფრეს გარეშე დავბრუნებულიყავით. 

ძალიან ხმამაღალი ატმოსფერო იყო, მსგავსი რამ იშვიათად გვინახავს, ეს განსაკუთრებული გამოცდილება იყო ჩვენთვის.“