კიმიხმა „ბაიერნთან“ კონტრაქტი ძველი პირობებით გაახანგრძლივა?

იოზუა კიმიხისთვის მიღებული შეთავაზებები უცხოეთიდან ისეთი მიმზიდველი არ აღმოჩნდა, როგორც თავდაპირველად წარმოედგინა. ამიტომ მოლაპარაკებების დროს „ბაიერნზე“ დიდი ზეწოლა არ ყოფილა.

საზედამხედველო საბჭო, ჰაინერის, ჰიონესის, რუმენიგეს და სხვების ხელმძღვანელობით, დაჟინებით მოითხოვდა, რომ კიმიხს ხელშეკრულება იგივე პირობებით გაეახლებინა (ხელფასი 20 მილიონი ევრო წელიწადში): ხელფასის მომატების, ბონუსის ან განსაკუთრებული პირობების გარეშე.

კლუბის ხელმძღვანელები მტკიცედ იდგნენ თავიანთ პოზიციაზე და უარს ამბობდნენ შეთავაზების გაუმჯობესებაზე, სანამ კიმიხი საბოლოოდ არ დათანხმდა და კონტრაქტს ხელი არ მოაწერა. მუსიალასა და დეივისის გახანგრძლივებების შემდეგ, „ბაიერნის“ ხელმძღვანელობა მტკიცედ იყო განწყობილი და მორიგი ხელფასის ზრდის თავიდან აცილება სურდა.