ნაგელსმანი: "ეს ძალიან მნიშვნელოვანი იყო ჩვენი განვითარებისთვის"

იულიან ნაგელსმანი იტალიასთან განმეორებით შეხვედრაზე:

„ვფიქრობ, პირველი ტაიმი საუკეთესო იყო იმ დროიდან, რაც მე მწვრთნელი ვარ. ბურთით ძალიან კარგად ვითამაშეთ, დაცვაშიც აგრესიულები ვიყავით და სამი გოლი გავიტანეთ.

მეორე ტაიმში ცვლილებების გაკეთება მოგვიწია, რადგან ყველას არ შეეძლო 90 წუთის თამაში. შემდეგ პირველი გოლი გავუშვით, მერე მეორე და უკვე რაღაცეები გამოგვეპარა.

მთავარი პრობლემა იყო ის, რომ ზედმეტად ბევრი არასწორი პასი გავაკეთეთ, განსხვავებით პირველი ტაიმისგან. არ მინდა ძალიან ბევრი ვისაუბრო მეორე ტაიმზე. მთავარი დასკვნა ამ ორი მატჩიდან არის ის, რომ ვიცით, რისი გაკეთებაც შეგვიძლია, მაგრამ კვლავ ბევრი გვაქვს გასაუმჯობესებელი. ეს ძალიან მნიშვნელოვანი იყო ჩვენი განვითარებისთვის.“