მიუნხენის "ბაიერნის" ცენტრალურმა თავდამსხმელმა, რობერტ ლევანდოვსკიმ, თავის სამომავლო გეგმებზე ისაუბრა.
"აქ თავს კარგად ვგრძნობ, ყველაფრით კმაყოფილი ვარ და კლუბთან მშვენიერი ურთიერთობა მაქვს.
როდესაც "ბაიერნში" თამაშობ, მსოფლიოში ძალიან ცოტა ადგილი რჩება, სადაც შესაძლოა კიდევ უფრო სრულყოფილი გახდე.
უახლოესი 5-6 წელი კიდევ შემიძლია უმაღლეს დონეზე თამაში, "ბაიერნის" ღირსებას კი უკვე დიდი ხანია ვიცავ და ეს მსოფლიოს ერთ-ერთი უდიდესი კლუბია.
ახლა მხოლოდ მიუნხენზე ვარ კონცენტრირებული და მომავალში ჩემს თავს აქ ვხედავ. "ბაიერნი" აუცილებლად იქნება ევროპის 4 საუკეთესო კლუბს შორის", - განაცხადა 30 წლის პოლონელმა.
რობერტ ლევანდოვსკი მიუნხენური კლუბის ღირსებას 2014 წლის ზაფხულიდან იცავს და მსოფლიოში ერთ-ერთი საუკეთესო ცენტრფორვარდია.
მიმდინარე სეზონში პოლონელმა 34 თამაშში 29 გოლი გაიტანა და 8 ასისტი გააკეთა. მისი მოქმედი კონტრაქტი 2021 წლის ზაფხულამდეა გათვლილი.