მიუნხენური კლუბის გენერალურმა დირექტორმა, კარლ-ჰაინც რუმენიგემ, გუნდის ახალგაზრდა აზიელი ტალანტის, ვუ-იუნ ჩუნის, განვითარებაზე ისაუბრა.
19 წლის სამხრეთ კორეელმა 2019 წლის სტარტზე მეორე გუნდში ძალიან კარგად წარმოაჩინა თავი და ნიკო კოვაჩმა მას პირველ გუნდშიც უხმო.
ბუნდესლიგის 24-ე ტურში, "მ.ბორუსიასთან" გასვლით თამაშში (5:1), ჩუნმა ბუნდესლიგაში სადებიუტო შეხვედრაც ჩაატარა და მოედანზე რამდენიმე წუთი დაჰყო.
"ბოლო პერიოდში მან სერიოზული პროგრესი განიცადა. ის თავაზიანი და საყვარელი ყმაწვილია.
ვფიქრობ, მინიმუმ 5 კლუბს დავასახელებ, რომლებიც მის მიმართ იჩენენ ინტერესს, მაგრამ ჩვენ გადაწყვეტილებას ზაფხულში მივიღებთ.
ჩვენთვის ძალიან მნიშვნელოვანია,რომ მან ბუნდესლიგასა და ჩემპიონთა ლიგაზე მიიღოს სათამაშო პრაქტიკა", - განაცხადა რუმენიგემ.
ვუ-იუნ ჩუნმა "ბაიერნის" მეორე გუნდის შემადგენლობაში 21 თამაშში 12 გოლი გაიტანა და 4 საგოლე გადაცემა გააკეთა.