საფრანგეთის ეროვნული ნაკრების მარცხენა მცველი, ლუკა ერნანდესი, მიუნხენის "ბაიერნის" ისტორიაში შევიდა.
მადრიდის "ატლეტიკოს" უნივერსალური მცველის ტრანსფერი ზაფხულისთვის გერმანულმა გრანდმა დღეს ოფიციალურად დაადასტურა.
23 წლის ფრანგის სანაცვლოდ "ბაიერნი" 80 მილიონ ევროს გადაიხდის და ლუკა მიუნხენური გრანდის ისტორიაში ყველაზე ძვირადღირებული მოთამაშე გახდება.
საინტერესოა, რომ აქამდე "ბაიერნის" ყველაზე ფასეული შენაძენი კორენტენ ტოლისო იყო - ფრანგი საყრდენის შეძენა მიუნხენელებს 2017 წელს დაახლოებით 41 მილიონი ევრო დაუჯდათ.
"ბაიერნის" ყველაზე ძვირადღირებული ტრანსფრების ხუთეული:
1. ლუკა ერნანდესი ("ატლეტიკოდან") - 80 მილიონი ევრო
2. კორენტენ ტოლისო ("ლიონიდან) - 41.5 მილიონი ევრო
3. ხავი მარტინესი ("ბილბაოდან") - 40 მილიონი ევრო
4. არტურო ვიდალი ("იუვენტუსიდან") - 37,5 მილიონი ევრო
5. მარიო გიოტცე ("დორტმუნდიდან") - 37 მილიონი ევრო