ლევანდოვსკიმ კრიტიკოსებს პასუხი გასცა

მიუნხენის "ბაიერნის" ცენტრალური თავდამსხმელი, რობერტ ლევანდოვსკი, მისდამი კრიტიკას სამართლიანად არ მიიჩნევს.

"ეს ყველაფერი გასული სეზონიდან მოდის. გასულ სეზონში მეოთხედფინალსა და ნახევარფინალში ვერ გავიტანე, ვინაიდან ტრავმირებული ვიყავი და შემდეგ რვა თვე ტკივილების ფონზე ვთამაშობდი.

თუმცა თუ გასულ სეზონამდე გადახედავთ სტატისტიკას, დაინახავთ, რომ მეოთხედფინალსა და ნახევარფინალში მინიმუმ ერთი გოლი მაინც გამქონდა.

სამწუხაროდ, ხალხი ყოველთვის აკვირდება იმას, რაც გუშინ მოხდა და გრძელ დისტანციას არ ითვალისწინებს", - განაცხადა ლევანდოვსკიმ.

30 წლის პოლონელ ფორვარდს ჩემპიონთა ლიგის მნიშვნელოვან მატჩებში უშედეგო თამაშის გამო ბევრი აკრიტიკებს.

რობერტ ლევანდოვსკიმ ჩემპიონთა ლიგის მიმდინარე სეზონის ჯგუფური ეტაპი 8 გოლით დაასრულა, მაგარმ მერვედფინალში "ლივერპულს" ვეღარ გაუტანა.