მიუნხენის "ბაიერნის" ცენტრალური თავდამსხმელი, რობერტ ლევანდოვსკი, "დერ კლასიკერის" ისტორიაში სამუდამოდ შევიდა.
დღეს, ბუნდესლიგის 28-ე ტურში, მიუნხენელებმა შინ დორტმუნდის "ბორუსია" 5:0 გაანადგურეს და პოლონელმა ფორვარდმა დუბლი გაიფორმა.
ლევანდოვსკის "დერ კლასიკერებში" უკვე 15 ბურთი დაუგროვდა და ის ამ დაპირისპირების ისტორიაში ყველა დროის საუკეთესო გოლეადორი გახდა.
რობერტმა ლეგენდარული გერდ მიულერის შედეგი (14) გააუმჯობესა და საინტერესოა, რომ ამ 15 გოლიდან 14 "დერ კლასიკერში" მიუნხენელების მაისურით გაიტანა, ხოლო "ბორუსიას" შემადგენლობაში - მხოლოდ ერთი.
რობერტ ლევანდოვსკი "ბაიერნის" ღირსებას 2014 წლის ზაფხულიდან იცავს. ბუნდესლიგის მიმდინარე სეზონში მის ანგარიშზე უკვე 20 გოლია.