დღეს მიუნხენის "ბაიერნი" ბუნდესლიგის მეორე ტურში "ჰოფენჰაიმს" ესტუმრა და გამანადგურებელი სხვაობით, 4:1 დამარცხდა.
"რეკორდმაისტერი" ამ მატჩამდე ბრწყინვალე ფორმაში იყო და ზედიზედ 23 გამარჯვება ჰქონდა მოპოვებული, მაგრამ, დღეს ბოლო 10 თვის განმავლობაში ყველაზე მძიმე მარცხი იწვნია.
უკანასკნელად "ბაიერნმა" 4 ან მეტი გოლი ერთ შეხვედრაში გასული წლის ნოემბერში გაუშვა. ნიკო კოვაჩის უკანასკნელ მატჩში გუნდი "აინტრახტთან" სტუმრად 5:1 დამარცხდა. ამის შემდეგ კი კლუბს სულაც მხოლოდ 2 წაგება და 1 ფრე ჰქონდა, დღევანდელ თამაშამდე.