BILD: "ბაიერნმა" ალაბას თაობაზე საბოლოო გადაწყვეტილება მიიღო

გერმანული გამოცემა Bild დავიდ ალაბას შესახებ მნიშვნელოვან ინფორმაციას აქვეყნებს.

წყაროს ცნობით, მიუნხენის "ბაიერნი" ავსტრიელ მცველს სეზონის ბოლომდე შეინარჩუნებს და მიმდინარე სატრანსფერო ფანჯრის დროს კლუბს არ დატოვებს. კონტრაქტის გახანგრძლივებასთან დაკავშირებით არანაირი პროგრესი არ შეინიშნება.

მიმდინარე სეზონის შემდგომ, დიდი ალბათობით, ფეხბურთელი თავისუფალი აგენტის სტატუსით დატოვებს კლუბს.

ალაბას, სურვილის შემთხვევაში, შესაძლებლობა ექნება, 2021 წლის 1 იანვრიდან ნებისმიერ კლუბთან გააფორმოს პრე-კონტრაქტი და სეზონის დასრულების შემდეგ შეუერთდეს გუნდს.