სატრანსფერო ფანჯრის ბოლო დღეს მიუნხენის "ბაიერნმა" დუგლას კოშტა დაიმატა. ბრაზილიელმა გარემარბმა დაბრუნების შემდეგ პირველი კომენტარი გააკეთა.
"ძალიან ბედნიერი ვარ, რომ კვლავ "ბაიერნის" ღირსებას ვიცავ. ეს ჩემთვის ძალიან ემოციური მომენტია, რადგან აქ დიდებული დრო გავატარე, წარმატებებითა და ტიტულებით სავსე და დარწმუნებული ვარ, თასების მოგებას კვლავ მოვახერხებ." - აცხადებს კოშტა.
ბრაზილიელის ტრანსფერზე კომენტარი ჰასან სალიჰამიჯიჩმაც გააკეთა.
"დუგლასი ჩვენი გუნდის ფლანგებს კიდევ უფრო გააძლიერებს. ის ჩვენს გუნდს კარგად იცნობს და ადაპტაციასაც მალე გაივლის." - აცხადებს სალიჰამიჯიჩი.