France Football ყველა დროის საუკეთესო გუნდს ასახელებს

ავტორიტეტული ფრანგული გამოცემა France Football წელს ყველა დროის მსოფლიოს საუკეთესო თერთმეტეულს დაასახელებს.

გამოცემამ უკვე გამოაქვეყნა მეკარისა და დაცვის ხაზის პოზიციებზე ნომინირებული მოთამაშეები, სადაც არაერთი მიუნხენელი მოხვდა.

საუკეთესო მეკარისთვის მანუელ ნოიერი და ზეპ მაიერი იბრძოლებენ. მარჯვენა მცველისთვის ბრძოლაში "ბაიერნის" კიდევ ერთი ლეგენდა, ფილიპ ლამი იბრძოლებს. დაცვის ცენტრში ნომინირებულია ფრანც ბეკენბაუერი, რაც შეეხება მარცხენა მცველის პოზიციას, აქ პოლ ბრაიტნერი და ანდრეას ბრემე არიან.

დანარჩენ პოზიციებს France Football უახლოეს მომავალში გააჟღერებს.