გერმანიის ეროვნული ნაკრებისა და "ლაიფციგის" თავდამსხმელის, ტიმო ვერნერის, მომავალს კვლავ მიუნხენის "ბაიერნს" უკავშირებენ.
ავტორიტეტული გერმანული გამოცემა "Bild" იტყობინება, რომ ტიმოსთვის ბრძოლაში ფავორიტი კვლავ "რეკორდმაისტერია".
თუმცა "ხარების" ხელმძღვანელობას სურს, რომ სხვა კლუბებსაც მისცეს შანსი, რომლებიც ვერნერის შეძენით არიან დაინტერესებულნი. მათ რიცხვში "ლივერპული", "პსჟ" და მადრიდის "რეალი" არიან.
ტიმო ვერნერის აგენტი მიუნხენურ კლუბთან აქტიურ კონტაქტზეა და ბოლო ინფორმაციით, პირადი კონტრაქტის დეტალებიც შეთანხმებულია.
23 წლის გერმანელმა შემტევმა მიმდინარე სეზონში სულ 31 მატჩი ჩაატარა, 18 გოლი გაიტანა და 5 ასისტი გააკეთა.