სულ ცოტა ხნის წინ გამოცემა Sky-მ დააანონსა, რომ 2022 წლიდან ახალი ევროპული ტურნირის ჩატარება იგეგმება, რომელშიც 18 გუნდი მიიღებს მონაწილეობას და მას ევროპის პრემიერ ლიგა ეწოდება.
ბრიტანული გამოცემა Telegraph-ის ინფორმაციით, თავის მხრივ არც UEFA-ში აპირებენ უქმად სხდომას და ჩემპიონთა ლიგაზე ისტორიულ ცვლილებებს აპირებენ.
წყაროს ცნობით, იგეგმება რომ 2024 წლიდან ტურნირზე გუნდების რაოდენობა 36-მდე გაიზარდოს. მატჩების ჩასატარებლად კი ორი ტიპის ფორმატი იგეგმება.
პირველი, გუნდები დაყოფიან 6 ჯგუფად, სადაც თითოეული კლუბი ჯამში 10 შეხვედრას ჩაატარებს (შინ და გარეთ პრინციპით). მეორე ფორმატის მიხედვით კი იგეგმება მატჩების ჩატარება 10 განსხვავებულ კლუბთანმ, რომლებიც განთესვის მიხედვით დაიყოფიან.
ამ უკანასკნელის შემთხვევაში უფრო ხშირად შევხვდებით საწყის ეტაპზე გრანდების დაპირისპირებას და ამ ფორმატს დიდი მხარდაჭერა აქვს.
ჯერ-ჯერობით უცნობია, რა გადაწყვეტილებას მიიღებენ გრანდები. წინასწარი ინფორმაციით, მათ ევროპის პრემიერ ლიგის ჩამოყალიბება სურთ.