როგორც ჩანს, ჟერომ ბოატენგი მიუნხენის "ბაიერნის" რიგებში თავის უკანასკნელ სეზონს ატარებს.
გერმანული გამოცემა BILD-ის ინფორმაციით, "რეკორდმაისტერმა" ვეტერანი მცველის თაობაზე საბოლოო გადაწყვეტილება უკვე მიიღო და მას სეზონის დასრულების შემდეგ გაუშვებს.
მოგეხსენებათ, ბოატენგს კლუბთან კონტრაქტი 2021 წლის ივნისში ეწურება და შესაბამისად, ის თავისუფალი აგენტი გახდება.
დიდი ალბათობით, ვეტერანი ფეხბურთელი "ტოტენჰემსა" და "არსენალს" შორის გააკეთებს არჩევანს.