მიუნხენური გრანდის რადარზე ამსტერდამის "აიაქსის" კიდევ ერთი საინტერესო ახალგაზრდა მოთამაშე მოხვდა.
ცნობილი ბრიტანული გამოცემა "Daily Mail" იტყობინება, რომ ლონდონის "ტოტენჰემი" ჰოლანდიური კლუბის ცენტრალური ნახევარმცველით, დონი ვან დე ბეეკით, ინტერესდება.
თუმცა ინგლისელებს გერმანიიდან ორი სერიოზული კონკურენტი ეყოლებათ: დორტმუნდის "ბორუსია" და მიუნხენის "ბაიერნი".
22 წლის ჰოლანდიელი "აიაქსის" ერთ-ერთი წამყვანი ფიგურაა, რომელმაც მიმდინარე სეზონში სულ 53 მატჩი ჩაატარა, 16 გოლი გაიტანა და 9 ასისტი გააკეთა.
ვან დე ბეეკმა ჩემპიონთა ლიგის მიმდინარე სეზონში 4 ბურთი გაიტანა, აქედან ორი ტურინში "იუვენტუსისა" და ლონდონში "ტოტენჰემის" წინააღმდეგ.