მიუნხენური კლუბის გენერალურმა დირექტორმა, კარლ-ჰაინც რუმენიგემ, "ლაიფციგთან" მატჩის შემდეგ ნიკო კოვაჩის მომავალსა და ჩემპიონობაზე ისაუბრა.
"მთავარი მწვრთნელის კონტრაქტის ვადა ყველასათვის ცნობილია. სეზონის ბოლოს უნდა დავსხდეთ და ვიმსჯელოთ გვექნება თუ არა ამ სპეციალისტთან ერთად წარმატებული მომავალი.გუნდი უნდა განვითარდეს, კარგად იასპარეზოს.
ნიკოსთან არანაირი პრობლემა არ მაქვს. მოთამაშეები, კლუბი, მწვრთნელი - ყველა უნდა განვითარდეს. დარწმუნებული ვარ, ის თავის პირველ ბუნდესლიგის ტიტულს მოიგებს და ყველანი ერთად აღვნიშნავთ.
საჩემპიონო რბოლა? ეს ძალიან ემოციურია. ეს სწორედ ისაა, რასაც ფანები გერმანიაში ელოდნენ. 6 წლის განმავლობაში ჩვენ დამაჯერებელი უპირატესობა გვქონდა, ახლა კი სიტუაცია ამაღელვებელია.
"აინტრახტი" საკმაოდ კარგი გუნდია, მაგრამ არც "გლადბახია" იოლი მეტოქე", - განაცხადა რუმენიგემ.
ბუნდესლიგის ბოლო ტურში "ბაიერნი" შინ ფრანკფურტის "აინტრახტს" მიიღებს და ზედიზედ მე-7 ვერცხლის სინის მოსაგებად ფრეც ჰყოფნის. დორტმუნდის "ბორუსია" კი სტუმრად მიუნხენგლადბახის "ბორუსიას" შეხვდება.