სანჩეში ჩემი შანსი გამოვიყენე და ბედნიერი ვარ

მიუნხენის "ბაიერნის" ახალგაზრდა ნახევარმცველმა, რენატუ სანჩეშმა, ბუნდესლიგის ბოლო ტურში თავისი წარმატებული თამაში შეაფასა.

"ძალიან ბევრს ვშრომობდი, ამიტომ სულაც არ გამკვირვებია, რომ გოლი გავიტანე. დიდი ხანი არ მქონდა ნათამაშები, ჩემს მომენტს ველოდებოდი და ახლა ბედნიერი ვარ.

ჯერ არ ვიცი რა მელოდება მომავალში. ყველაფერი შესაძლებელია. ახალგაზრდა ვარ და მინდა, რომ უფრო მეტი ვითამაშო", - განაცხადა 21 წლის პორტუგალიელმა.

ბუნდესლიგის დასკნით ტურში "ბაიერნმა" შინ ფრანკფურტის "აინტრახტი" 5:1 გაანადგურა და რენატუ მოედანზე 37-ე წუთზე შევიდა.

სანჩეშმა 58-ე წუთზე მშვენიერი გოლი გაიტანა და სეზონი კარგად დაასრულა.

ამ სეზონში პორტუგალიელმა ცენტრმა სულ 24 მატჩი ჩაატარა, 2 გოლი გაიტანა და 2 ასისტი გააკეთა.