"ბაიერნმა" "მანჩესტერს" გადაასწრო და ლიგის საოცარი რეკორდი დაამყარა

რომის "ლაციოსთან" მოგებული შეხვედრის შემდეგ მიუნხენის "ბაიერნმა" ჩემპიონთა ლიგის მორიგი საოცარი რეკორდი დაამყარა.

კერძოდ, "რეკორდმაისტერს" ტურნირზე უკვე ზედიზედ 17 მატჩია რაც გასვლით შეხვედრებში არ წაუგია, მსგავსი შედეგი კი ისტორიაში არცერთ გუნდს არ ჰქონია.

ეს რეკორდი 2017 წელს, გლაზოს "სელტიკთან" 1:2 მოგებულ მატჩში დაიწყო და დღემდე გრძელდება. ამ პერიოდის მანძილზე "ბაიერნმა" 17 თამაშიდან 13-ში იმარჯვა და მხოლოდ 4 დაასრულა ფრედ.

ამ დრომდე რეკორდი "მანჩესტერს" ეკუთვნოდა, რომლის წაუგებელი სერიაც 2007 წლიდან 2010 წლამდე გაგრძელდა და 16 მატჩი შეადგინა.