მიუნხენის "ბაიერნის" ყოფილმა კაპიტანმა, ლეგენდარულმა ოლივერ კანმა, ნიკო კოვაჩის მუშაობა შეაფასა.
"კოვაჩი საკმაოდ რთულ სიტუაციაში აღმოჩნდა. ზოგიერთი მოთამაშე, რობენისა და რიბერის ჩათვლით, გარკვეულ ასაკში იმყოფებოდა. ამას დავუმატოთ რუსეთში კატასტროფული მსოფლიო ჩემპიონატი გერმანელი მოთამაშეებისთვის.
ამას დაემატა ტრავმებიც და საერთო ჯამში, ნიკოსთვის მდგომარეობა საკმაოდ გართულდა.
ის ფაქტი, რომ კოვაჩმა მოახერხა და გუნდს მოაგებინა გერმანიის ბუნდესლიგა, გაიყვანა გერმანიის თასის ფინალში - ცუდი შედეგი ნამდვილად არ არის", - განაცხადა "ტიტანმა".
47 წლის ხორვატი სპეციალისტის ბედი ჯერ კიდევ გაურკვეველია. მიუნხენური გრანდი ჩემპიონთა ლიგაზე 1/8 ფინალიდან "ლივერპულთან" გამოვარდა.