"ლივერპულის" მთავარმა მწვრთნელმა, იურგენ კლოპმა, მიუნხენის "ბაიერნთან" მერვედფინალურ პაექრობაზე ისაუბრა.
"ხალხი მუდმივად იმეორებს, რომ ჩვენ აშკარა ფავორიტები ვართ. ვფიქრობ, ეს ძალიან სასაცილოა.
ეს იქნება ორი უაღრესად ძლიერი გუნდის დაპირისპირება და ნამდვილად არ ვიცი რით დასრულდება ეს ბრძოლა.
სულაც არ მაქვს შეგრძნება, რომ თითქოს უკვე 1/4 ფინალში ვართ. ამის გაკეთება ძალიან გაგვიჭირდება, მაგრამ არც "ბაიერნს" აქვს იოლი ამოცანა.
"ლივერპული" განვითარებას აგრძელებს. ჩვენ ჯერ არაფერი მოგვიგია, რაც კარგი ნამდვილად არ არის. მეორემხრივ, ყველას ესმის, რომ ჩვენს გუნდს გამარჯვება სწყურია", - განაცხადა კლოპმა.
მერსესაიდული გრანდი, რომელიც ტურნირის ვიცე-ჩემპიონია, ჩემპიონთა ლიგის 1/8 ფინალში "რეკორდმაისტერს" შეხვდება.
პირველი მატჩი 19 თებერვალს "ენფილდზე" გაიმართება, ხოლო საპასუხო - 14 მარტს მიუნხენში.