მიუნხენის "ბაიერნის" მარჯვენა მცველმა, იოზუა კიმიხმა, "ლაიფციგის" თავდამსხმელი ტიმო ვერნერი შეაქო.
"ტიმო არანორმალურად სწრაფია. ის ძალიან ძლიერად და კარგად ხმარობს ორივე ფეხს, აგრეთვე კარგია თავით თამაშში. გარდა ამისა, ტიმოს მშვენიერი დამაგვირგვინებელი დარტყმა აქვს.
ტიმოს კლასის ფორვარდი, რომელსაც სეზონში მინიმუმ 10-15 გოლი გააქვს, ვფიქრობ ნებისმიერ გუნდს გააძლიერებდა", - განაცხადა იოზუამ.
ტიმო ვერნერს მიუნხენური გრანდი აქტიურად აკვირდება და მას რობერტ ლევანდოვსკის პოტენციურ შემცვლელად განიხილავს.
"ბაიერნი" და "ლაიფციგი" 25 მაისს ბერლინში ერთმანეთს გერმანიის თასის ფინალში დაუპირისპირდებიან.