"ლაიფციგის" მთავარმა მწვრთნელმა და სპორტულმა დირექტორმა, რალფ რანგნიკმა, ტიმო ვერნერის მომავალზე კომენტარი გააკეთა.
"მე დარწმუნებით ვერ ვიტყოდი, რომ ტიმო ვერნერი 100%-თ "ბაიერნში" გადავა. ასე, რომ იყოს ისინი ჩვენთან მინიმუმ კონტაქტზე მაინც გამოვიდოდნენ. ზოგადად, ჩვენს კლუბებს შორის კარგი, საქმიანი, ურთიერთობაა.
ჩვენი პოზიცია არ შეცვლილა: თუ ტიმო კონტრაქტს არ გაახანგრძლივებს, მაშინ მას ზაფხულში გავუშვებთ. მას შეუძლია წავიდეს თუ ჩვენ სოლიდურ თანხას შემოგვთავაზებენ", - განმარტა 60 წლის გერმანელმა.
23 წლის გერმანელი თავდამსხმელის მოქმედი კონტრაქტი "ლაიფციგთან" 2020 წლამდეა გათვლილი და ბოლო ინფორმაციით, ტიმო მიუნხენურ გრანდს შესაძლოა სწორედ გაისად შეუერთდეს უფასოდ.
თუმცა "ლაიფციგი" აპირებს, რომ ვერნერი უკვე ამ ზაფხულს დააყენოს სატრანსფერო ბაზარზე.