"ეს ის შედეგი არ არის, რაც გვსურდა" - მანუელ ნოიერმა გლადბახთან მატჩი შეაფასა

გუშინ, ბუნდესლიგის პირველი ტურის მატჩში, მიუნხენის ბაიერნი გლადბახს ესტუმრა და ფრედ, 1:1 ითამაშა.

ანგარიში მატჩის მე-10 წუთზე პლეამ გახსნა, რასაც შეხვედრის 42-ე წუთზე რობერტ ლევანდოვსკიმ უპასუხა და პირველი ტაიმის მიწურულს გაათანაბრა. მეორე ტაიმში ორივე გუნდი აქტიურობდა, თუმცა ანგარიშის შეცვლა ვერც ერთმა მოახერხა.

მატჩის დასრულების შემდეგ, ბაიერნის მეკარემ თამაში შეაფასა:

'რა თქმა უნდა, ეს ის შედეგი არ არის, რაც გვსურდა. 

სტუმრად 1-0 ვმარცხდებოდით, რაც თავისუფლად შეიძლება მოხდეს გლადბახთან. 

შეხვედრის სტარტი ცუდი გამოვიდა, მაგრამ 25-ე წუთიდან უკეთესად ავთამაშდით - სტაბილურად ვუტევდით და დამსახურებულადაც გავათანაბრეთ.' - განაცხადა ნოიერმა.

გლადბახი 1:1 ბაიერნი (საუკეთესო მომენტები)