ლევანდოვსკი არა - სეზონის საუკეთესო ფორვარდი ცნობილია

ამ წუთებში, თურქეთის ქალაქ სტამბულში ჩემპიონთა ლიგის ჯგუფური ეტაპის წილისყრა მიმდინარეობს, სადაც წილისყრის გარდა, გასული სეზონის საუკეთესო ფეხბურთელებს აჯილდოვებენ.

საუკეთესო თავდამსხმელის პოზიციაზე, სულ 3 ნომინანტი იყვნენ წარდგენილნი: ერლინგ ჰოლანდი (დორტმუნდი), რობერტ ლევანდოვსკი (ბაიერნი) და კილიან მბაპე (პსჟ).

საბოლოოდ, გამარჯვებული ერლინგ ჰოლანდი გახდა, რომელმაც ჩემპიონთა ლიგის გასულ სეზონში, 8 ჩატარებულ შეხვედრაში თავი 10 გოლით და 2 საგოლე გადაცემით გამოიჩინა.

რაც შეეხება მიუნხენის ბაიერნის თავდამსხმელს, ლევანდოვსკიმ 6 ჩატარებულ შეხვედრაში, თავი 5 გოლით გამოიჩინა.