"ეს არის ამოცანა, რომლის შესრულებასაც ვაპირებთ.." - სალიჰამიჯიჩმა წილისყრა შეაფასა

დღეს, თურქეთის ქალაქ სტამბულში ჩემპიონთა ლიგის ჯგუფური ეტაპის წილისყრა გაიმართა, სადაც მიუნხენის ბაიერნის მეტოქეები გაირკვა.

ბაიერნი E ჯგუფში შემდეგ გუნდებთან ერთად იასპარეზებს: ბარსელონა (ესპ), ბენფიკა (პორ) და დინამო კიევი (უკრ).

წილისყრა და მეტოქე გუნდები რეკორდმაისტერის სპორტულმა დირექტორმა ჰასან სალიჰამიჯიჩმა შეაფასა:

'ესპანეთში ჩასვლის იდეა მომწონს. ადრე უკვე ვთქვი, რომ რეალიც და ბარსელონას ძალიან კარგი გუნდები არიან და ყველას სურს იქ თამაში, ისინი ძლიერი მეტოქეები არიან. ბარსელონა მესის გარეშე სრულიად განსხვავებული გუნდია, მაგრამ ისინი მაინც კარგები არიან.

ბენფიკა ტრადიციული კლუბია, რომელსაც კარგი ფეხბურთელები ყოველთვის ყავს. რაც შეეხება კიევის დინამოს, ვიმედოვნებთ, რომ კიევში ზამთრის პიკში თამაში არ მოგვიწევს (იცინის), ხუმრობის გარეშე - ჩვენ ამ ჯგუფიდან გასვლა პირველი ადგილით გვსურს! ეს არის საინტერსო ამოცანა, რომლის შესრულებასაც ვგეგმავთ.' - განაცხადა სალიჰამიჯიჩმა.