ფაბრიციო რომანომ დაადასტურა - როდის წარადგენს ბაიერნი ზაბიცერს?

როგორც უკვე მოგახსენეთ, ბაიერნსა და ლაიპციგს შორის მარსელ ზაბიცერის ტრანსფერზე შეთანხმება შედგა და დიდი ალბათობით, ავსტრიელი ფეხბურთელი რეკორდმაისტერთან კონტრაქტს დღესვე გააფორმებს.

27 წლის ზაბიცერი ამპლუით ცენტრალური ნახევარმცველია, მაგრამ თამაში შემტევ ნახევარცმველადაც და მარჯვენა ვინგერადაც შეუძლია.

ერთ-ერთი ყველაზე გავლენიანი სპორტული ჟურნალისტის ფაბრიციო რომანოს მტკიცებით, ბაიერნი ახალ ფეხბურთელს დღეს წარადგენს:

'ბაიერნსა და ლაიპციგს შორის მარსელ ზაბიცერზე გარიგება დასრულებულია. ფეხბურთელი კონტრაქტს დღეს მოაწერს ხელს და ბაიერნი ოფიციალურ განცხადებასაც გააკეთებს. ზაბიცერმა და რეკორდმაისტერმა პირადი კონტრაქტი ერთი კვირის წინ შეათანხმეს.' - წერს ფაბრიციო.

ასევე: როგორი იქნება ბაიერნის სასტარტო შემადგენლობა ზაბიცერის ტრანსფერის შემდეგ? (ფოტო)