დიდი ალბათობით, ჩელსის ცენტრალური მცველი, ანტონიო რუდიგერი ზაფხულში ლონდონურ კლუბს დატოვებს, ამას არაერთი ევროპული გამოცემა იტყობინება.
როგორც აღინიშნება, გერმანელი მცველი ინგლისურ კლუბთან კონტრაქტის გახანგრძლივებას არ აპირებს. არსებულის ვადა კი 2022 წელს იწურება.
ამ მომენტისთვის, რუდიგერის გადაბირებას ბაიერნი ცდილობს, თუმცა, თავად ფეხბურთელს თამაში მადრიდის რეალში სურს. პლუს ამას, რუდიგერისადმი ინტერესს სამეფო კლუბიც იჩენს და დიდი ალბათობით გერმანელი მცველი კარიერას ანჩელოტის გუნდში გააგრძელებს.
არისტოკრატები 28 წლის ფეხბურთელს წლიურად 6,5 მილიონ ევროს სთავაზობენ ხელფასის სახით, თუმცა რუდიგერი 10 მილიონს ითხოვს.