ცნობილია - რა თანხა გამოიმუშავა ბაიერნმა ჩემპიონთა ლიგის მიმდინარე სეზონში

მიუნხენის ბაიერნმა ჩემპიონთა ლიგის ჯგუფურ ეტაპზე 4 მატჩი ჩაატარა და თითოეული მათგანი მოიგო. რეკორდმაისტერი E ჯგუფს, სადაც მასთან ერთად ბარსელონა, ბენფიკა და დინამო კიევი არიან ერთპიროვნულად, 12 ქულით ლიდერობს.

ნაგელსმანის გუნდმა მოახერხა და შემდეგ ეტაპზე (ფლეი-ოფში) გასვლა ნაადრევად გაინაღდა.

როგორც გერმანული გამოცემები წერენ, ბაიერნმა ჩემპიონთა ლიგის მიმდინარე სეზონში უკვე 70 მილიონი ევრო გამოიმუშავა.

გარდა უეფასგან მიღებული თანხისა, რომელიც გუნდს ჩემპიონთა ლიგის მატჩების მოგებისას ერიცხება, ბაიერნის საშინაო სტადიონს გულშემატკივრები დაუბრუნდა და კლუბი შემოსავალს აქედანაც იღებს. გასული ტურის მატჩს ალიანს არენაზე 50 ათასი მაყურებელი დაესწრო.