ესპანური Marca-ს ჟურნალისტები ლიონელ მესის პარიზში ეწვივნენ და არგენტინელ ფეხბურთელთან ინტერვიუც ჩაწერეს. ინტერვიუს ერთ-ერთ მონაკვეთში, მესიმ ჩემპიონთა ლიგაზე პსჟს შანსებზე ისაუბრა და ტურნირის მოგების რამდენიმე კანდიდატიც გამოყო:
'ყველა ამბობს, რომ ჩვენი გუნდი ტურნირის მთავარი ფავორიტია და ვერ უარვყოფ, რომ კანდიდატებს შორის შევდივართ, მაგრამ თუ გვსურს უფრო ძლიერები ვიყოთ, კიდევ უნდა მოვუმატოთ.
ჩვენ მარტო არ ვართ, ფავორიტთა შორის სხვა გუნდებიც არიან. ჩემპიონთა ლიგა ძალიან რთული ტურნირია, რაც მას კიდევ უფრო მიმზიდველს ხდის.'
ჟურნალისტებმა, მესის იმ გუნდების დაკონკრეტება სთხოვეს, ვინც პსჟსთან ერთად, ლიგის ფავორიტად მიაჩნია:
'ლივერპული დღეისათვის ძალიან კარგ ფორმაშია. ამ გუნდმა ის დონე დაიბრუნდა, რომლითაც ჩემპიონთა ლიგა მოიგო. ასევე გამოვყოფდი სიტის, ბაიერნს, რეალს, ატლეტიკოს... წელს ჩემპიონთა ლიგისთვის ბრძოლა ბევრ გუნდს შეუძლია', - განუცხადა მესიმ Marca-ს.