მიუნხენური გრანდის პრეზიდენტმა, ული ჰიონესმა, თავისი პოტენციური მემკვიდრე დაახასიათა.
"ჰერბერტ ჰაინერი ამ პოსტისთვის იდეალური კანდიდატია. თუ შენ შეგიძლია "ადიდასს" წარუძღვე, მაშინ იგივეს "ბაიერნშიც" გააკეთებ.
ბოლო დღეებში მიღებული გადაწყვეტილებების წყალობით ვფიქრობ, რომ მომავლის გზას გავიკვლევთ", - განმარტა 67 წლის გერმანელმა.
ული ჰიონესი 40 წლიანი მოღვაწეობის შემდეგ "ბაიერნს" ტოვებს.
ნოემბერში "რეკორდმაისტერის" პრეზიდენტი "ადიდასის" გენერალური დირექტორი, 65 წლის ჰერბერტ ჰაინერი, უნდა გახდეს.