მიუნხენის "ბაიერნის" პრეზიდენტმა, ული ჰიონესმა, დღევანდელი პრესკონფერენციის დასასრულს გუნდის მთავარი მწვრთნელი შეაქო.
"ვფიქრობ, ნიკო კოვაჩი შესანიშნავი მწვრთნელი და კლუბის კარგი წარმომადგენელია. მან პირველივე წელს დუბლი გაიფორმა და ეს არც ისე ცუდი შედეგია.
ნიკო სატრანსფერო კამპანიაში აქტიურად იყო ჩართული და ახლა მას ჰყავს შემადგენლობა, რომლის შეკვრაც სურდა", - განაცხადა ული ჰიონესმა.
47 წლის ხორვატმა სპეციალისტმა "ბაიერნი" 2018 წლის ზაფხულში ჩაიბარა და სადებიუტო სეზონში დუბლი გაიფორმა: გერმანიის ბუნდესლიგა და თასი.
ჩემპიონთა ლიგაზე მიუნხენელები 1/8 ფინალურ ეტაპზე მომავალ ჩემპიონ "ლივერპულთან" დამარცხდნენ (0:0, 1:3).