"მინდა, ბაიერნი საპასუხო მატჩშიც დავამარცხო", - ემერის კომენტარი მოგებული მატჩის შემდეგ

ჩემპიონთა ლიგის პლეი-ოფის 1/4 ფინალური შეხვედრის პირველ მატჩში, მიუნხენის ბაიერნი სტუმრად ვილიარეალთან მინიმალური სხვაობით, 0:1 დამარცხდა.

მატჩის შემდეგ, ჟურნალისტებთან აღნიშნული შეხვედრა მასპინძელი გუნდის მთავარმა მწვრთნელმა, უნაი ემერიმ შეაფასა:

"არ ვაპირებთ მხოლოდ ამ მატჩში ნაჩვენები კარგი თამაშით შემოვიფარგლოთ - შევეცდებით, ბაიერნი კიდევ ერთხელ დავამარცხოთ.

ბაიერნი ფავორიტია და მათთვის მარცხი ნორმალური არ არის. ახლა შეგვიძლია გამარჯვება ვიზეიმოთ, მაგრამ ფრთხილად უნდა ვიყოთ, წინ კიდევ 90 წუთია და ჩვენ ბაიერნის დამარცხება გვინდა.

იმედგაცრუებული დავრჩები, თუ ამას ვერ მივაღწევთ..",  - განაცხადა ემერიმ.

ცნობისთვის, ბაიერნი ვილიარეალთან საპასუხო შეხვედრას 12 აპრილს, ალიანს არენაზე გამართავს.