გერმანიის ეროვნული ნაკრების შემტევი ნახევარმცველი, სერჟ გნაბრი, ჰოლანდიასთან მარცხის შემდეგ ძალიან უკმაყოფილოა.
"ამ მარცხის შემდეგ, რა თქმა უნდა, იმედგაცრუება სუფევს. ვიცოდით, რომ ჰოლანდიას საკმაოდ ძლიერი გუნდი ჰყავს.
სამწუხაროდ, ძალიან მარტივად გავუშვით გოლები. ვფიქრობ, 2:3-მდე კარგად ვითამაშეთ, მაგრამ შემდეგ დაცვა მოიშალა", - განაცხადა გნაბრიმ.
"ბუნდესთიმმა" ჰოლანდიას პირველი ტაიმი გნაბრის გოლით 1:0 მოუგო, მაგრამ მეორე ნახევარში განადგურდა და საბოლოო ჯამში, 2:4 დამარცხდა.
5 ტურის შემდეგ C ჯგუფს 12 ქულით მოულოდნელად ჩრ.ირლანდია ლიდერობს, შემდეგ კი გერმანია (9) და ჰოლანდია (6) მოდიან.