მიუნხენის "ბაიერნის" შემტევმა ნახევარმცველმა, ფილიპე კოუტინიომ, "პადერბორნთან" შეხვედრა შეაფასა.
"როგორც ვამბობდი, ეს ტოპ-ჩემპიონატია. ბუნდესლიგაში ყოველი თამაში ძალიან ინტენსიურია, ამიტომ ყველაფერი შეიძლება მოხდეს.
ბედნიერები ვართ, რომ თამაში მოვიგეთ და სატურნირო ცხრილში პირველები ვართ. თუმცა ახლა ბევრი უნდა ვიშრომოთ, რათა ეს პოზიცია შევინარჩუნოთ", - განაცხადა კოუტინიომ.
ბუნდესლიგის მე-6 ტურში "ბაიერნმა" სტუმრად "პადერბორნი" 3:2 დაამარცხა და კონკურენტებმაც გაუკეთეს საჩუქარი: "ლაიფციგი" შინ "შალკესთან" 1:3 დამარცხდა, ხოლო დორტმუნდის "ბორუსიამ" სახლში ბრემენის "ვერდერს" ვერ მოუგო (2:2).
"ბაიერნი" 14 ქულით ლიდერია, მაგრამ "ლაიფციგს", "შალკეს", მიუნხენგლადბახის "ბორუსიას" და ლევერკუზენის "ბაიერს" თანაბარი 13-13 ქულა აქვთ. შემდეგ მოდიან "ვოლფსბურგი" (12) და დორტმუნდის "ბორუსია" (11).