მიუნხენის "ბაიერნის" შემტევმა ნახევარმცველმა, ივან პერიშიჩმა, გერმანიაში დაბრუნებასა და სამომავლო გეგმებზე ისაუბრა.
"ბაიერნი" მსოფლიოში ერთ-ერთი უდიდესი კლუბია, რომელსაც რამდენიმე ვარიანტი ჰქონდა. ვიცი, რომ მე პირველი ალტერნატივა არ ვიყავი, მაგრამ ყველაფერი სწრაფად მოხდა.
ეს ისტორია ყველამ იცის: სანეს ტრავმის შემდეგ კლუბი ჩემს აგენტსა და "ინტერს" დაუკავშირდა. ამ წინადადებაზე ოჯახთან ერთად ერთი ღამე ვიფიქრე და დავთანხმდი.
საკუთარი თავის მჯერა და ვფიქრობ, კლუბს დავარწმუნებ, რომ გამომისყიდოს. ეს ჩემი სურვილია და მიზნის მისაღწევად ყველაფერს გავაკეთებ", - აღნიშნა 30 წლის მსოფლიოს ვიცე-ჩემპიონმა.
ივან პერიშიჩი მიუნხენურმა კლუბმა ერთწლიანი იჯარის წესით დაიმატა. გამოცდილმა ხორვატმა ახალი სეზონის სტარტზე 4 თამაშში 2 გოლი გაიტანა და 1 ასისტი გააკეთა.