"ვფიქრობდი, რომ მატჩის საუკეთესო ფეხბურთელი ის გახდებოდა, მაგრამ..", - დე ლიხტი

ჩემპიონთა ლიგის მე-5 ტურის შეხვედრაში, მიუნხენის ბაიერნი სტუმრად ბარსელონას დაუპირისპირდა და მეტოქე 0:3 დაამარცხა.

აღნიშნული შეხვედრის საუკეთესო მოთამაშედ ჩემპიონთა ლიგამ მატიას დე ლიხტი დაასახელა, თუმცა Sofascore-ის ვერსიით, მატჩის გმირი სერჟ გნაბრი, 8.9 ქულით გახდა, რომელმაც ასისტების ჰეთ-თრიკი გაიფორმა.

შეხვედრის დასრულების შემდეგ, ამაზე კომენტარი თავად ნიდერლანდელმა მცველმაც გააკეთა:

"მატჩის საუკეთესო მოთამაშე? გაკვირვებული ვიყავი, რადგან ვფიქრობდი, რომ ამ ჯილდოს სერჟ გნაბრი მიიღებდა, თუმცა კარგი, მე მას სიამოვნებით მივიღებ", - თქვა დე ლიხტმა.