"წინ იმდენი დროა, ამ მატჩზე საუბარს აზრი არ აქვს", - ნაგელსმანის კომენტარი ჩემპიონთა ლიგის წილისყრაზე

დღეს, შვეიცარიის ქალაქ ნიონში გამართულ ჩემპიონთა ლიგის კენჭისყრაზე, ცნობილი გახდა, რომ მერვედფინალურ ეტაპზე მიუნხენის ბაიერნის მეტოქე ფრანგული პსჟ იქნება.

აღნიშნული წილისყრა მიუნხენის ბაიერნის მთავარმა მწვრთნელმა, იულიან ნაგელსმანმაც შეაფასა:

"პსჟ რთული მეტოქეა. ჯგუფში, უკვე დავუპირისპირდით რთულ მეტოქეებს და ამისთვის ჯილდო არ მიგვიღია. ვფიქრობ, არც პსჟ იქნება ზედმეტად აღელვებული იმ ფაქტით, რომ ჩვენ გვხვდება, მაგრამ თამაშამდე ჯერ კიდევ ადრეა - წინ მსოფლიო ჩემპიონატია.

პარიზზე ფიქრს ახლა აზრი არ აქვს. წინ ბრემენთან მატჩი გვაქვს, შემდეგ შალკესთან და შემდეგ მსოფლიო ჩემპიონატი - პსჟსთან გასამართ მატჩზე კონკრეტულ საუბარს ჯერ არ ვაპირებთ", - განაცხადა ნაგელსმანმა.