"სწორედ ეს დაგვაკლდა", - რუდიგერის პირველი კომენტარი მუნდიალიდან გამოვარდნის შემდეგ

მსოფლიო ჩემპიონატის მე-3 ტურის შეხვედრაში, გერმანიის ნაკრები კოსტა-რიკას დაუპირისპირდა და მეტოქე 2:4 დაამარცხა.

მიუხედავად ამ მოგებისა, გერმანიის ნაკრები მსოფლიო ჩემპიონატის ჯგუფში ზედიზედ მეორედ ჩარჩა, რადგან პარალელურ შეხვედრაში ესპანეთი იაპონიასთან დამარცხდა.

მორიგი ფიასკოს შემდეგ, ჟურნალისტებთან პირველი კომენტარი გერმანელთა მცველმა, ანტონიო რუდიგერმაც გააკეთა:

"ჩვენ ნულოვან მაჩვენებლს დავუბრუნდით და ეს არის მკაცრი რეალობა. ბევრი ტალანტი, ეს ყველაფერი კარგია, მაგრამ საკმარისი არ აღმოჩნდა. არის სხვა ფაქტორებიც: საბოლოო სურვილი, ხანდახარ "ბინძური" თამაში - ზოგჯერ ეს ყველაფერი გვაკლდა. ჩვენ ძალიან, ძალიან კარგი გუნდი ვართ", - განაცხადა რუდიგერმა.