ლეგენდარულ გერმანელ ფეხბურთელს, ლოთარ მათეუსს მიაჩნია, რომ ეროვნულ ნაკრებში თავის გამოჩენის შანსი მანუელ ნოიერის გარდა, სხვა მეკარეებსაც უნდა მიეცეთ:
"ჩვენს მოთამაშეებს აქვს ხარისხი და მომდევნო მატჩებში კარში შეგვიძლია ტერ შტეგენის, ტრაპის ან ლენოს ალტერნატივა ვსცადოთ - მიეცით მათ საშუალება გვაჩვენონ, შეგვიძლია თუ არა მათზე დაყრდნობა.
განსაკუთრებით კოსტა-რიკასთან მატჩის შემდეგ, სადაც ნოიერმა უჩვეულო შეცდომები დაუშვა.
სამივე მათგანი (ნოიერიც, ტერ შტეგენიც და ტრაპიც) მსოფლიო დონის მეკარეები არიან. მაშინაც კი, თუ მანუ წასვლას გადაწყვეტს, ტრაპთან და ტერ შტეგენთან დაკავშირებით არ ვნერვიულობ", - განაცხადა მათეუსმა.