"მას კარგად ვიცნობ, ის ძალიან ნიჭიერი და კარგი მოთამაშეა", - უპამეკანომ ინგლისელთა შემტევი შეაქო

მსოფლიო ჩემპიონატის 1/4 ფინალურ ეტაპზე, დაიო უპამეკანოს, ბენჟამინ პავარის და კინგსლი კომანის საფრანგეთის ნაკრები ინგლისს დაუპირისპირდება. მატჩამდე რამოდენიმე დღით ადრე, უპამეკანომ ინგლისელთა ამომავალ ვარსკვლავზე, ჯუდ ბელინგემზე ისაუბრა:

"მე ვიცნობ მას, ჩვენ ერთმანეთის წინააღმდეგ არაერთხელ გვითამაშია, კარგად მოგეხსენებათ, რომ ბაიერნი დორტმუნდის წინააღმდეგ ნამდვილი ომია. ის ნიჭიერი და ძალიან კარგი მოთამაშეა. თამაშიდან თამაშამდე გამოცდილებას იძენს, ვფიქრობ წინ კარგი მატჩი და ბრძოლა გველოდება", - განაცხადა უპამეკანომ.

ცნობისთვის, ინგლისსა და საფრანგეთს შორის გასამართი შეხვედრა 10 დეკემბერს, თბილისის დროით 23:00 საათზე გაიმართება.