"ამ ამბავმა ყველა შოკში ჩაგვაგდო, თუმცა...", - ოლივერ კანის პირველი კომენტარი ნოიერის ტრავმაზე

გერმანიის ნაკრების და მიუნხენის ბაიერნის მეკარემ, მანუელ ნოიერმა შვებულებაში ყოფნის პერიოდში, ფეხი მოიტეხა, რის გამოც გუნდს მიმდინარე სეზონში ვეღარ დაეხმარება.

როგორც გაირკვა, ნოიერმა თხილამურებზე სრიალის დროს მოიტეხა ფეხი და ოპერაციის გაკეთება გახდა საჭირო, საბედნიეროდ, ოპერაციამ წარმატებით ჩაიარა, თუმცა გერმანელი მეკარე მიმდინარე სეზონში იუქმებს.

აღნიშნულ ფაქტს მიუნხენის ბაიერნის სპორტული დირექტორი, ოლივერ კანიც გამოეხმაურა:

"მანუს ტრავმის შესახებ ამბავმა ყველა შოკში ჩაგვაგდო. ყველანი მის გვერდით დავდგებით და გამოჯანმრთელების გზაზე დავეხმარებით. ის ამ მძიმე ტრავმისგან გამოჯანმრთელდება და მოედანს ისეთივე ძლიერი დაუბრუნდება, როგორც არასდროს", - განაცხადა კანმა.