"ის ხვიჩა კვარაცხელიას გვაგონებს", - Transfermarkt-მა ლუკა პარკაძეს სტატია მიუძღვნა

Transfermarkt-მა ახალგაზრდა ნახევარმცველს ლუკა პარკაძეს სტატია მიუძღვნა, სადაც მის საფეხბურთო კარიერაზე და ნახევარმცველის დადებით თვისებებზე ისაუბრა. 

2000-იანი წლების დასაწყისში ბუნდესლიგას რამდენიმე გამორჩეული ქართველი ფეხუბრთელი ჰყავდა : ლევან კობიაშვილი, ალექსანდრე იაშვილი, ლევან ცქიტიშვილი და გიორგი კიკნაძე. თუმცა, მას შემდეგ რაც კობიაშვილმა 'ჰერტა' დატოვა, ბუნდესლიგა კავკასიის რეგიონის ახალ წარმომადგენელს ელოდა. რამდენიმე თვის წინ კი 'ბაიერნმა' ერთ-ერთი ყველაზე პერსპექტიული ქართველი ფეხბურთელი დაიმატა, რითიც ეს ლოდინი დასრულდა.



ლუკა თავის შესაძლებლობებს კარგად მაშინ ავლენს, როცა ბურთ აქვს. ის ტექნიკურია და მისი სისწრაფე საშუალებას აძლევს პრესინგი კარგად ითამაშოს. პირველ 4 შეხვედრაში სწორედ მისი სისწრაფის გამოსაცდელად იგი ფლანგზე ათამაშეს - მართალია ლუკას საგოლე მოქმედება არ მიუწერია, თუმცა მოწინააღმდეგეს პარკაძის მესვაურობისას სერიოზული პრობლემები შეექმნა. პარკაძე საყოველთაოდა აღიარებულ და ნიჭიერ ფეხბურთელს, ხვიჩა კვარაცხელიას გვაგონებს, რომელიც დინამო თბილისიდან მოდის და დღესდღეობით ევროპაში ერთ-ერთი ყველაზე პროდუქტიული შემტევია.



"მან ჩვენზე შესანიშნავი შთაბეჭდილება დატოვა. სწორედ ამიტომ, მადლობას ვუხდით დინამო თბილისს და ფეხბურთელის აგენტს, გურამ კაჭახიძეს, რომ მისი გაფორმება შევძელით." - განაცხადა 'ბაიერნის' საფეხბურთო აკადემიის მენეჯერმა, იოხენ ზაუერმა.

შეგახსენებთ, მედიაში გავრცელებული ინფორმაციის თანახმად, ლუკა პარკაძე მომავალი ზაფხულიდან მიუნხენის ბაიერნის რიგებში ითამაშებს.