"როცა მას პირველად შევხვდი, ცოტათი შეშინებული ვიყავი", - სტანისიჩმა ლუკა მოდრიჩზე ისაუბრა

ხორვატიის ნაკრებმა, 1998 წლის შემდეგ პირველად, დიდი სანაკრებო ტურნირის პლეი-ოფის მატჩი ძირითად დროში მოიგო.

ზლატკო დალიჩის გუნდმა, 2022 წლის მსოფლიო ჩემპიონატზე მესამე ადგილისთვის ბრძოლაში, მაროკოს ნაკრები 2:1 დაამარცხა.

აღნიშნულ შეხვედრაში მონაწილეობას მიუნხენის ბაიერნის მცველი, იოსიპ სტანისიჩიც იღებდა, რომელმაც შეუცვლელად ითამაშა და მატჩის დასრულების შემდეგ, თანაგუნდელ ლუკა მოდრიჩზეც ისაუბრა:

"იმედი მაქვს, რომ ის სანაკრებო კარიერას გააგრძელებს და სიმართლე გითხრათ, ამაში დარწმუნებულიც კი ვარ. ყველამ დავინახეთ, რომ ასაკის მიუხედავად, მოედანზე ის კვლავ გამორჩეული მოთამაშეა. მოდრიჩი ყველა დროის საუკეთესო ფეხბურთელია ჩვენს ქვეყანაში. როდესაც პირველად შევხვდი მას, ცოტათი შეშინებული ვიყავი", - განაცხადა სატნისიჩმა.