"დიდ ტურნირებზე ეს ძალიან მნიშვნელოვანია", - სტანისიჩის კომენტარი ბრინჯაოს მედლის მოგების შემდეგ

ხორვატიის ნაკრებმა, 1998 წლის შემდეგ პირველად, დიდი სანაკრებო ტურნირის პლეი-ოფის მატჩი ძირითად დროში მოიგო.

ზლატკო დალიჩის გუნდმა, 2022 წლის მსოფლიო ჩემპიონატზე მესამე ადგილისთვის ბრძოლაში, მაროკოს ნაკრები 2:1 დაამარცხა.

აღნიშნულ შეხვედრაში მონაწილეობას მიუნხენის ბაიერნის მცველი, იოსიპ სტანისიჩიც იღებდა, რომელმაც შეუცვლელად ითამაშა და მატჩის დასრულების შემდეგ, მოპოვებულ ბრინჯაოს მედალზეც ისაუბრა:

"სიმართლე რომ ვთქვა, ეს ჩემთვის ენით აღუწერელი გრძნობაა, როცა ვფიქრობ, თუ სად ვიყავი ერთი წლის წინ და სად ვარ ახლა. ჩვენ დიდი ოჯახი ვართ. ნაკრებში არავინ ბრაზდება, თუ საკმარის სათამაშო დროს ვერ იღებს, ეს კი დიდ ტურნირებზე ძალიან მნიშვნელოვანი ფაქტია", - განაცხადა სტანისიჩმა.