"თუ ფეხბურთი გიყვარს, მოგინდება, რომ მუნდიალი მესიმ მოიგოს, მაგრამ...", - ფლიკის კომენტარი ფინალის წინ

რამდენიმე საათში მსოფლიო ჩემპიონატის კულმინაცია გველოდება, სადაც მუნდიალის თასისთვის ერთმანეთს საფრანგეთის და არგენტინის ნაკრებები დაუპირისპირდებიან.

მატჩამდე ცოტა ხნით ადრე, გერმანიის ნაკრების მთავარმა მწვრთნელმა, ჰანს ფლიკმა ფინალზე ისაუბრა:

"თუ ფეხბურთის რომანტიკოსი ხარ, მოგინდება, რომ ლიონელ მესიმ გაიმარჯვოს, რადგან ბოლო 10 წლის განმავლობაში, ის ყველაზე გამორჩეული მოთამაში იყო. ასაკის მიუხედავად, ის მაინც აჩვენებს იმ ხარისხს, რასაც მიგვაჩვია.

საბოლოო ჯამში, ორივე გუნდი იმსახურებდა ფინალში გასვლას. მიუხედავად იმისა, რომ მესი თავის ბოლო მუნდიალის ტიტულს იმსახურებს, მე მაინც ნეიტრალური ვრჩები.

რა თქმა უნდა, განსაკუთრებული ურთიერთობა მაქვს იმ ფეხბურთელებთანაც, რომლებსაც ვავარჯიშებდი, როგორიცაა კინგსლი კომანი, ბენჟამინ პავარდი და ლუკას ერნანდესი, რომელიც ამჟამად ტრავმირებულია. ცხადია, მათი მოგებაც გამიხარდება", - განაცხადა ფლიკმა.