"თუ ერთი უნდა ავირჩიო, ბელინგემს გამოვარჩევდი", - ლამმა მუსიალაზე და ბელინგემზე ისაუბრა

მიუნხენის ბაიერნის ლეგენდარულმა ფეხბურთელმა, ფილიპ ლამმა 2022 წლის ბუნდესლიგის გამორჩეულ მოთამაშეებზე ისაუბრა:

"თუ აუცილებლად ერთი უნდა გამოვარჩიო, ჯუდ ბელინგემს ვიტყოდი, რომელსაც ფანტასტიკური სეზონი ჰქონდა და ძალიან კარგად განვითარდა. ის დორტმუნდში წამყვანი და გადამწყვეტი მოთამაშეა. ასევე, ჯამალ მუსიალასაც გამოვარჩევდი, რომელსაც 22/23 სეზონებში თითქმის ყველა მატჩში გადამწყვეტ როლს ასრულებდა.

მუსიალა და ბელინგემი გასულ წელს, ბუნდესლიგის სრულფასოვან მოთამაშეებად იქცნენ. ისინი ჯერ კიდევ განვითარების გზას გადიან, ასე რომ, 2023 წელს მათგან კიდევ ბევრი რამის ხილვას ველოდები. მაინტერესებს, როგორ გააგრძელებენ ისინი პროგრესს და როგორ იპოვიან თავიან ადგილს გუნდებში", - განაცხადა ლამმა.