კეინის ტრანსფერი ბაიერნში საბოლოოდ გამოირიცხა? - ახალი ცნობა ინგლისიდან

მოგეხსენებათ, რობერტ ლევანდოვსკის გუნდიდან წასვლის შემდეგ, მიუნხენის ბაიერნის ჰარი კეინის ტრანსფერზე მუშაობას შეუდგა, თუმცა ფეხბურთელის დამატება ამ დრომდე ვერ მოახერხა.

მთელი დღის განმავლობაში ინგლისში გავრცელებული ინფორმაცია კი კიდევ უფრო ამცირებს ტრანსფერის შანსს.

როგორც იწერება, ჰარი კეინი მზადაა ტოტენჰემთან ახალი კონტრაქტი გააფორმოს. მოლაპარაკებები იანვრის სატრანსფერო ფანჯრის დასრულების შემდეგ იგეგმება. მთავარი ფაქტორები მოლაპარაკებისას იქნება ის, თუ როგორ დაკომპლექტება ტოტენჰემი და რა წარმატების პერსპექტივა ექნება გუნდს მომდევნო სეზონში. 

ერთი სიტყვით, კეინის პრიორიტეტი ამ ეტაპზე ტოტენჰემთან კონტრაქტის გახანგრძლივებაა.